विराटनगरमा पहिलो पटक सञ्चालित कर्पोरेट स्तरको म्याजिक विराट फुटसल कपको उपाधि मनमोहन स्मृति पोलिटेक्निकले जितेको छ । मिति २०७३/०५/११ गते शनिबार साँझमा भएको अत्यन्तै रोमाञ्चक फाइनल खेलमा मकालु टेलिभिजनलाई ५–३ गोल अन्तरले पराजित गर्दै मनमोहनले उपाधि चुमेको हो ।
आवर विराटनगर डट नेट र हिट एण्ड ह्याङ आउट फुटसलको संयुक्त आयोजनामा भएको खेलमा १६ फुटसल टोली सहभागी भएका थिए । अत्यधिक दर्शकहरुबीच भएको रोमाञ्चपूर्ण फाइनल खेलमा मकालु टेलिभिजनले मध्यान्तरसम्म ३–१ गोलले खेलमा दवाब राखेको थियो । तर मध्यान्तरको लगत्तै मनमोहनले प्रतियोगिताको आफूलाई उत्कृष्ट टिम साबित गर्दै उपाधि जित्न सफल भएको हो । मनमोहनका तर्फबाट रञ्जन चौधरी र युवराज चौधरीले २/२ तथा अमित खाँले १ गोल गर्नु भएको थियो ।